Шанхайн Хятад Анагаах Ухааны Их Сургуулийн Олон улсын боловсролын сургуулийн захирал Хан Чоупинг (Han Chouping) профессорын урилгаар АШУҮИС-ийн удирдлагууд 10-р сарын 26-30-ны өдрүүдэд тус сургуульд айлчилж хоёр сургуулийн хамтын ажиллагааны санамж бичигт гарын үсэг зурлаа.
Хоёр сургуулийн хамтын ажиллагааны санамж бичиг үзэглэх ёслолд АШУҮИС-ийн Эрдэм шинжилгээ, гадаад харилцаа хариуцсан проректор Ц.Билэгтсайхан, Эмнэлэг хариуцсан проректор Д.Цэрэндагва, МАУОУС-ийн захирал Д.Цэнд-Аюуш, МАУТЭ-ийн захирал Ч.Батнайрамдал нар, ШХУАУ-ы дэд ерөнхийлөгч Шу Жин, ШХУАУ-ы Олон улсын боловсролын сургуулийн захирал Хан Чоупинг, дэд захирал Фу Чиньхуй, дэд захирал Ян Ян нар оролцов.
Цаашдын хамтын ажиллагааны хүрээнд хоёр сургууль хамтарсан судалгааны төсөл хэрэгжүүлэх, багш, оюутан солилцооны хөтөлбөр, хамтарсан хурал семинар зохион байгуулах зэрэг өргөн цар хүрээтэй ажлууд хийхээр төлөвлөж санал солилцлоо.
