Анагаахын Шинжлэх Ухааны Үндэсний Их Сургуулийн “ОЮУТНЫ ХӨГЖИЛ ХӨТӨЛБӨР”-ийн Эх оронч оюутан дэд хөтөлбөрийн хүрээнд Цус Сэлбэлт Судлалын Үндэсний Төвтэй хамтран хүмүүнлэгийн үйлсийг түгээн дэлгэрүүлэх, цусны донорын эгнээг өргөжүүлэх зорилгоор зохион байгуулдаг “Дусал цус – Дүүрэн амьдрал” аян 4 дэх жилдээ амжилттай үргэлжилж байна.
2024 оны намрын буюу хоёрдугаар ээлжийн цус цуглуулах аяны буухиа АШУҮИС-ийн Дархан-уул аймаг дахь салбар АУС-аас эхлэж өнөөдрийн байдлаар АУС, МАУОУС, НЭМС, БАС,НАС-ийн сургуулиуд дээр тус тус амжилттай үргэлжилж 888 нэгж буюу 350 гаруй литр цусыг цуглуулаад байна.
Тус аян 2024 оны 10 дугаар сарын 08-09 ний өдрүүдэд Мягмар болон Лхагва гаригт Сувилахуй болон Эм зүйн сургууль дээр үргэлжлэх тул эрдэмтэн багш, ажилтан ажиллагсад, оюутан залуус та бүхнийг идэвхтэй оролцохыг уриалж байна.
Хамтран ажиллаж буй ЦССҮТ-ийн удирдлага, хамт олон болон цусаа бэлэглэсэн нийт донорууддаа талархал илэрхийлье!
ЭРҮҮЛ ИРЭЭДҮЙГ ХАМТДАА БҮТЭЭЕ!
