АШУҮИС-ийн Монгол Анагаах Ухааны Олон Улсын сургуулийн Уламжлалт бариа заслын тэнхимийн багш Япон улсын иргэн Масатоши Нишикидо нь Монгол улсын Жүдо бөхийн үндэсний шигшээ баг болон мөнгөн медаль авсан Б.Баасанхүү тамирчны терапистаар Парис-2024 олимпд амжилттай ажиллаа.
АШУҮИС-ийн МАУОУС-ийн Уламжлалт анагаахын засалч мэргэжлээр 2016 онд анхны элсэлтээ авсан ба оюутнуудад спортын олон төрлийн тамирчдын эрүүл мэнд, бэртэл гэмтлээс урьдчилан сэргийлэх, сэргээн засах тусламж үйлчилгээний мэргэжлийн мэдлэг олгодог.
Нишикидо багш маань 2016 оноос хойш манай их сургуульд багшилж байгаа ба өдгөө 80 гаруй шавьтай болжээ.
Нишикидо багшдаа Монгол улсын боловсрол, спортын салбарт оруулж буй хувь нэмэрт баяр хүргэж, амжилт хүсье.
