Анагаахын Шинжлэх Ухааны Үндэсний Их Сургууль болон Tokushima University-ийн хооронд найрамдал, эрдэм шинжилгээний хамтын ажиллагаа тогтоосны 20 жилийн ойд зориулсан “Хамтарсан симпозиум” 2026 оны 6 дугаар сарын 5-ны өдөр Chinggis Khaan National Museum-ийн хурлын танхимд амжилттай зохион байгуулагдлаа.
Симпозиумын нээлтийн ажиллагаанд АШУҮИС-ийн ректор, профессор Б.Дамдиндорж, Токушима их сургуулийн ерөнхийлөгч, профессор Ясүхико Кавамура, Япон Улсаас Mongolia Улсад суугаа Онц бөгөөд Бүрэн эрхт Элчин сайд Масару Игавахара нар мэндчилгээ дэвшүүлж, хоёр их сургуулийн эрдэмтэн багш, судлаачид, төгсөгчид болон хамтын ажиллагааны төлөөллүүд оролцов.
Симпозиумын үеэр АШУҮИС-ийн ректор, АУ-ны доктор, профессор Б.Дамдиндоржид Токушима их сургуулийн “Хүндэт доктор” цол олгох ёслолын ажиллагаа боллоо.
Симпозиумын хүрээнд өнгөрсөн 20 жилийн хугацаанд хэрэгжүүлсэн хамтарсан сургалт, судалгаа, хүний нөөцийн хөгжил, эмнэлгийн тусламж үйлчилгээний чиглэлээр хэрэгжүүлсэн ажлуудыг дүгнэж, цаашдын хамтын ажиллагааны чиг хандлага, хэрэгжиж буй төсөл, хөтөлбөрүүдийн талаар илтгэлүүд хэлэлцүүлэв. Мөн Токушима их сургуулийн төгсөгчид өөрсдийн судалгааны үр дүн, эмнэлзүйн туршлага, хамтын ажиллагааны хүрээнд олж авсан мэдлэг, ур чадвараа хуваалцлаа.
Энэхүү симпозиум нь АШУҮИС болон Токушима их сургуулийн 20 жилийн хамтын ажиллагааны ололт амжилтыг дүгнэхийн зэрэгцээ цаашид оюутан, багш солилцоо, хамтарсан эрдэм шинжилгээний судалгаа, эмнэлгийн тусламж үйлчилгээний хөгжил, олон улсын хамтын ажиллагааг шинэ түвшинд хүргэхэд чухал ач холбогдолтой үйл явдал боллоо.
