Эрдмийн сургуулийн Анагаах ухааны эрхзүй, боловсрол судлалын тэнхим болон Эрүүл мэндийн судалгааны тэнхим хамтран төгсөлтийн сургалтын хөтөлбөрт хамрагдаж буй магистрант, докторантуудын судалгааны ажлын чиглэл, судлаачийн мэдлэгийн түвшинг олон улсын хэмжээнд хүргэх зорилгоор академик ур чадвар, судалгааны арга зүйн чиглэлээр “Шинжлэх ухаанч хэлэлцүүлэг” сэдвийн хүрээнд амжилттай зохион байгууллаа.
Энэхүү журнал клубт хамрагдсанаар судалгааны үр дүнг эрдэм шинжилгээний сэтгүүлд нийтлүүлэх аргачлалд суралцахаас гадна, шинэлэг санаа, мэргэжлийн хэлэлцүүлэг, олон улсын стандарттай судалгааг хөгжүүлэн Scopus, Web of Science-д бүртгэлтэй сэтгүүлд өгүүлэл хэвлүүлэх чадавх, суралцагчдын илтгэх ур чадвар, шүүмжлэлт сэтгэлгээ, хамтын ажиллагааг бэхжүүлэхэд оршино.
Өнөөдрийн хэлэлцүүлгээр: Зочин илтгэгчээр ЭМСТ-ийн докторын дараах судлаач Ж.Мягдагмаа, Б.Сэдэд нар өөрсдийн туршлагаа хуваалцсан нь суралцагчдад сонирхолтой, шинэлэг байлаа. Мөн магистрант Б.Болорчимэг, С.Ангар нарын баг олон улсын импакт өндөртэй эрдэм шинжилгээний өгүүлэл танилцуулж нийт 60 гаруй магистрант, докторант идэвхитэй оролцож, хэлэлцүүлэг амжилттай болж өрнөлөө. Цаашид зохион байгуулалтад оролцох төлөөлөх суралцагчдыг сонгон клубын үйл ажиллагааг сар бүр тогтмол зохион байгуулахаар төлөвлөн ажиллаж байна.
