Япон улсын Саппоро хотод 2024 оны 11 сарын 5-9-ний өдрүүдэд болсон ХЗАНДБүсийн 8-р их хуралд Бие бялдар судлалын тэнхимийн багш М.Эрдэнэцэцэг, Г.Тунгалаг нар оролцож технологийн дэвшил, эрүүл мэндийн практик, шинэлэг судалгааны үр дүн зэрэг олон төрлийн сэдвүүдээр мэдлэг туршлагаа баяжуулан, өөрсдийн судалгааны ажлыг хэлэлцүүлэн, үзэл бодлоо олон улсын судлаачидтай хуваалцаж, харилцаа холбоогоо өргөжүүллээ.
Хурлын өмнөх сургалт семинаруудад оролцон Азийн орнуудын хөдөлмөр засалчидтай баг болон ажилласан нь өөрсдийн заадаг хичээлүүддээ тусгах шинэ санаа, ур чадварт суралцах сайхан боломж байлаа.
Хоёр мянга гаруй оролцогчтой, 300 гаруй аман илтгэл, 900 гаруй ханан илтгэл хэлэлцүүлсэн энэхүү APOTC 2024 нь оролцогчдын дунд мэдлэг солилцох, мэргэжлээрээ өсөх, мэргэжил нэгтнүүдтэйгээ танилцах платформ болж, тэдэнд сурсан зүйлээ тус тусын салбартаа хэрэгжүүлэх урам зориг өгсөн үйл ажиллагаа байлаа.
