Хууль зүй, дотоод хэргийн яам, Дотоод хэргийн их сургуулиас зохион байгуулж буй “Хөтөлбөр сурталчлах өдөрлөг” Анагаахын шинжлэх ухааны үндэсний их сургууль дээр амжилттай зохион байгуулагдлаа.
Тус өдөрлөгт АШУҮИС-ийн ректор АУ-ны доктор, профессор Б.Дамдиндорж, ДХИС-ийн ректор, доктор профессор, бригадын генерал П.Батбаатар, их сургуулийн удирдлагууд оролцлоо. “Хөтөлбөр сурталчлах өдөрлөг”-т АШУҮИС-ийн төгсөх дамжааны 1000 гаруй оюутнуудад үндэсний аюулгүй байдал, төрийн тусгай албаны чиг үүргийг хэрэгжүүлэхэд шаардлагатай эрх зүйн болон мэргэжлийн мэдлэг ур чадварын талаар мэдээлэл хүргэн үзэсгэлэн гаргалаа.
