АШУҮИС-ийн багш судлаачид 2024 оны 11 сарын байдлаар Elsevier компанийн Scopus мэдээллийн санд бүртгэлтэй чансаа өндөр мэргэжлийн сэтгүүлд нийт 130 эрдэм шинжилгээний бүтээл хэвлүүлж, бүтээлээс авсан эшлэлийн тоо 4824-аар нэмэгдсэнээр АШУҮИС-ийн багш, судлаачдын олон улсад хүлээн зөвшөөрөгдсөн Нийт бүтээлийн тоо 921, бүтээлээс эшлэл авсан нийт тоо 21124-д хүрсэн амжилтыг үзүүлсэн байгааг та бүгдэд дуулгахад таатай байна. АШУҮИС-ийг хөгжүүлэх их үйлсэд эрдэм мэдлэг, хичээл зүтгэлээ зориулан ажиллаж байгаа эрдэмтэн мэргэддээ дахин талархал илэрхийлье.
Дэлхийн Шинжлэх ухааны өдөр болон Шинжлэх ухааны ажилтны өдрийг тохиолдуулан зохион байгуулж байгаа АШУҮИС-ийн бүрэлдэхүүн сургууль, эмнэлэг, хүрээлэн, төвүүдэд нэвтэрсэн “Инновац, шинэ технологи, оюуны өмчийн өдөрлөг”т та бүгдийг өргөнөөр оролцохыг хүсье.
