Монгол Улсын Ерөнхийлөгчийн Тамгын газар, Япон Улсын “Ниппон сан” болон Анагаахын Шинжлэх Ухааны Үндэсний Их Сургуулийн хамтын ажиллагааны хүрээнд Монгол Улсын Ерөнхийлөгчийн санаачилгаар хэрэгжиж буй “Япон- Монголын Сасакава” тэтгэлэгт хөтөлбөрт оюутнуудыг урьж байна.
Тус тэтгэлэг нь дараах чиглэлээр I дамжаагаа амжилттай төгсөж 2026-2027 оны хичээлийн жилд II дамжаанд суралцах оюутнуудад зориулсан болно.
Хамрагдах хөтөлбөрүүд:
– Анагаах ухаан /Хүний их эмч/
– Хүүхдийн анагаах ухаан
– Уламжлалт анагаах ухаан
– Эрүүл мэндийн нийгмийн ажил
– Эрүүл мэндийн хоол зүйч
– Нийгмийн эрүүл мэнд судлаач, эрүүл ахуйч
– Хөдөлмөрийн аюулгүй байдал, эрүүл ахуй
– Мэдээллийн технологи
– Нүүр ам судлал /Шүдний их эмч/
– Нүүр амны эрүүл ахуй /дэд бакалавр/
Эдгээр чиглэлээр суралцах нийт 30 оюутанд 2026–2027 оны хичээлийн жилээс эхлэн нийт суралцах хугацааны сургалтын төлбөрийн тэтгэлэг олгоно.
Тэтгэлэгт хамрагдах оюутныг дараах шалгуур үзүүлэлтүүдийг үндэслэн сонгон шалгаруулна:
-Сурлагын голч дүн
-Сонгосон чиглэлээр тууштай, идэвхтэй суралцах хүсэл эрмэлзлэл
-Төгсөөд тухайн чиглэлээрээ хөдөө орон нутагт тасралтгүй 3 жил ажиллан, бүс нутгийн хөгжилд хувь нэмрээ оруулах боломжтой байх
Бүрдүүлэх материал:
-Сурлагын голч дүнгийн тодорхойлолт
-Сонгосон мэргэжлээрээ цаашид үргэлжлүүлэн суралцаж, төгсөөд орон нутагтаа 3 жил мэргэжлээрээ ажиллахыг хүлээн зөвшөөрсөн баталгаа
-Тэтгэлэгт хамрагдах хүсэлтээ илэрхийлсэн өргөдөл
-Тэтгэлгийн анкет
Эдгээр материалуудыг 1 pdf file болгон 2026 оны 6 дугаар сарын 15-ны өдөр хүртэл dfsdev@mnums.edu.mn цахим хаягаар хүлээн авна
Тэтгэлгийн шаардлагыг хангасан, ирээдүйнхээ төлөө үнэ цэнтэй алхам хийхийг хүссэн бүх оюутныг өргөдөл гарган хамрагдахыг урьж байна.
БАГШ, ОЮУТНЫ ХӨГЖЛИЙН ГАЗАР
