АШУҮИС-ийн Хөдөлмөр, орчны эрүүл ахуйн лаборатори нь орчны температур, агаарын харьцангуй чийглэг тогтворжуулагч, сорьцын статик цэнэг саармагжуулагч төхөөрөмж, доргион бууруулагчтай ширээ, хамгийн орчин үеийн RADWAG MYA0.8/3.5Y загварын 1 мкг-ийн нарийвчлалтай ультра жин болон орчин, хөдөлмөрийн нөхцлийн үнэлгээ хийх багаж, тоног төхөөрөмжүүдээр тоноглогдож үүд хаалгаа судлаач, оюутан суралцагчид, хамтран ажиллах байгууллагуудад нээлээ. Тус лаборатори нь ажлын байр болон гадаад орчны шуугиан, температур, агаарын харьцангуй чийглэг, агаарын урсгалын хурд, агааржуулалтын үнэлгээ, эргономикийн үнэлгээ, доргион, гэрэлтүүлэг, PМ2.5, PM10, PM4 тоосонцрын зэрэг хэмжилт, шинжилгээ, судалгаа хийж байна.
